Oppo amosa as súas cámaras frontais agochadas na pantalla do móbil
xoves, 27 de xuño do 2019
Nos últimos meses puidemos ver como moitos smartphones
adoptaron tecnoloxÃas de identificación de pegadas dixitais que podÃa
integrarse na propia pantalla, facilitando a creación de teléfonos todo
pantalla que para a integración da cámara frontal adoptaron diferentes camiños
como a súa integración nunha pestana superior, o uso de pantallas perforadas e
incluso o emprego de cámaras retráctiles, pero agora hai varios fabricantes que
perseguen unha solución máis elegante, e que xa parece lista para chegar ao
mercado: o uso de cámaras frontais agochadas baixo a pantalla.
Dende
Oppo xa están a amosar a súa cámara baixo a pantalla (USC) no Mobile World
Congress de Shanghai, e dende Xiaomi tamén aseguran ter unha solución
semellante, polo que en poucos meses veremos no mercado varios smartphones practicamente
sen marcos frontais.
Para poder conseguir este grande logro foi preciso empregar un material
transparente personalizado para a pantalla, e redeseñar a estrutura dos pÃxeles
para que a luz poida chegar até o sensor da cámara, que será máis grande que o
doutras cámaras frontais, o que, sumado a melloras de software, pretende
compensar a perda de calidade na imaxe que supón introducir unha pantalla diante
dunha cámara. Dende Oppo aseguran que conseguiron que as súas cámaras frontais
quedasen ao mesmo nivel que as principais cámaras frontais do mercado, e aÃnda
que non hai previsión sobre cando chegará esta tecnoloxÃa ao mercado, dá a
impresión de que pode converterse na tendencia que impere no futuro, xa que
permite avanzar nun deseño minimalista que ameaza prescindir en breve tamén de
botóns fÃsicos, polo que os smartphones continúan a avanzar para converterse
simplemente en pantallas táctiles que suxeitar nas mans.