Os novos Huawei P40 presentaranse por streaming

A cancelación do Mobile World Congress de Barcelona por mor do coronavirus mudou o calendario de lanzamentos de smartphones de xeito drástico, e como mostra dixo temos anuncios como o de que os Huawei P40 e P40 Pro presentaranse o 26 de marzo nun evento que realizarase en liña, polo que o acto presencial multitudinario previsto na cidade de París quedaría cancelado.
Esta presentación será posterior ao lanzamento en España do Huawei P40 Lite, previsto para o vindeiro día 16, converténdose en todo un referente da gama media cunha pantalla de 6,4 polgadas, procesador Kirin 810, 6 GB de RAM, 128 GB de almacenamento interno, cámara traseira cuádrupla cun sensor principal de 48 Mpíxeles e batería de 4.200 mAh con carga rápida de 40 watts, que no seu lanzamento ofrécese cuns auriculares sen fíos Freebuds 3 a un prezo de 299 euros.
No que respecta ao Huawei P40 Pro coméntase que sería un smartphone cun procesador Kirin 990, conectividade 5G, pantalla OLED de 6,5 polgadas con resolución QuadHD e refresco de 120 Hz, cámara traseira quíntupla de 64 Mpíxeles, cámara frontal dobre e batería de 5.500 mAh.
Desta volta Huawei non vai telo doado, xa que os buques insignia de Samsung están a chegar ás tendas cunhas cámaras de grande calidade, polo que o fabricante chinés non vai ter as facilidades que tiña en anos anteriores para destacar.