Panasonic faise coa exclusiva temporal de Avatar en Blu-ray 3D

Non hai dúbidas sobre o feito de que a película Avatar é o motor que está a provocar a febre actual polas 3D nos cines e nos fogares de todo o mundo, pero resulta rechamante o feito de que as versións que actualmente hai no mercado da película en DVD e Blu-ray non permitan a súa visualización en 3D pese a contar con televisores adaptados, o que solucionarase en breve co lanzamento da película no formato Blu-ray 3D, aínda que este produto non podería mercarse de xeito ordinario inicialmente, senón que Panasonic conseguiu facerse coa exclusividade da película en 3D.
No mes de decembro chegará a película Avatar en Blu-ray 3D, pero só para os consumidores que adquiran un televisor de plasma Panasonic 3D Viera, o que contribuirá a popularización desta gama de televisores de grande calidade, aínda que non debería ser un factor decisivo á hora de elixir televisor polo mero feito de que a película de James Cameron poderá mercarse fóra desta promoción posiblemente a primeiros de 2011.