Sube a audiencia da TDT en Galicia
mércores, 4 de febreiro do 2009
Pese a que para finais de abril do vindeiro ano a televisión
analóxica será substituída definitivamente pola dixital, este novo sistema
aínda non está implantado todo o que poderiamos desexar no conxunto do estado
español.
Iso sí, a TDT vén de bater unha marca histórica no pasado
mes de xaneiro na nosa comunidade e achégase paseniñamente ao 20 por cento de
audiencia (19,6 por cento).
A web da Sociedade da Información, que vén
de publicar esta información, indica que, tamén subiron as emisión de
satélite e de cable, máis, “en contraste”,
baixou o uso das emisións analóxicas, que quedaron no 61,7 por cento.
A media de audiencia da TDT rexistrado no último mes en
España, prosegue, “sitúase no 23,8 por
cento”.
Por outra banda, e a propósito desta información, a web Galiciae publicou esta
mañá unha entrevista en exclusiva a M. Lois, experto en telecomunicacións,
quen, entre outras moitas curiosidades, apuntaba que “o 19 por cento dos galegos que ve televisión, faino a través de TDT”.
