A 5ª edición do Congreso de Mercadotecnia FLÚOR concluíu este venres 26 de maio en Pontevedra cun acordo unánime de que a Intelixencia Artificial ten múltiples aplicacións na mercadotecnia e estas serán cada vez maiores. O evento tamén xerou un importante debate profesional sobre o uso responsábel destas ferramentas intelixentes. Por outra banda, FLÚOR rematou cunha cifra marca de participación, con máis de 500 participantes presenciais. As temáticas principais desta edición foron a Intelixencia Artificial en mercadotecnia, a igualdade en publicidade e o auxe dos formatos sonoros online (música, podcasts, radios, etc.). O evento, de 2 días de duración e organizado polo Clúster de Comunicación de Galicia, sumou en total 10 conferencias, 4 mesas redondas e 4 obradoiros prácticos.

A compra de Activision Blizzard por parte de Microsoft debería ter sido unha operación sen grandes atrancos, na que os reguladores de distintos países establecesen algunhas condicións para que se puidese levar a bo termo, para así protexer aos consumidores e ao mercado, pero a Autoridade dos Mercados e a Competencia (CMA) de Reino Unido sorprendeu opoñéndose por considerar que Microsoft mellorar demasiado a súa posición de cara ao xogo na nube.

A conselleira de Promoción do Emprego e Igualdade, María Jesús Lorenzana, na clausura do V Congreso Márketing Dixital FLÚOR, que organizou o Clúster da Comunicación de Galicia en Pontevedra, e que reuniu durante dous días a decenas de profesionais e expertos para ofrecer novas ideas e perspectivas sobre a publicidade dixital, social media ou igualdade no márketing, asegurou que a futura Lei autonómica dedicará un capítulo enteiro á igualdade de xénero e á dixitalización para dar resposta aos avances e á transformación tecnolóxica que está a vivir o mercado de traballo.

A produtora CTV celebrará o vindeiro luns, 29 de maio, unha conferencia sobre o sector audiovisual que impartirá a profesora e investigadora Elena Neira, especialista en novos modelos de distribución. A charla celebrarase ás 11 horas nas instalacións de CTV en Montouto (Teo).

Business Factory Aero (BFAero), programa de incubación, aceleración e consolidación de empresas especializado no sector aeroespacial e no segmento dos vehículos non tripulados da Xunta de Galicia (Axencia Galega de Innovación), abre este venres 26, oficialmente, o prazo de inscrición na súa quinta edición. O obxectivo de GAIN é reforzar a aposta da Xunta “pola retención e captación de talento innovador na busca de propostas de alto impacto para o ecosistema aeroespacial e para a sociedade”.

A Consellería de Cultura e Educación resolveu o palmarés dos seus premios ao desenvolvemento de proxectos de innovación tecnolóxica ou científica e proxectos de innovación didáctica no ámbito da Formación Profesional. En total, foi recoñecido o traballo de 45 centros, entre coordinadores e colaboradores.

A directora xeral de Relacións Laborais, Elena Mancha, participou na presentación do círculo de traballo do proxecto Gemcat Capitaliza para promover a igualdade laboral e potenciar a xeración de emprego de calidade transfronteirizo. No marco do mesmo a Xunta, en colaboración coa Universidade de Porto e a Cámara Municipal de Braga, están a promover un campus virtual entre Galicia e o Norte de Portugal de formación en igualdade laboral para sensibilizar ás empresas, en especial as pemes, sobre os beneficios de aplicar medidas de conciliación e corresponsabilidade no seo das súas organizacións.

O vindeiro mércores ás 19:30 a Delegación de Vigo do Ilustre Colexio Oficial de Enxeñeiros Industriais de Galicia (ICOIIG) acolle unha conferencia de Antonio Torrado González (SDG Group) sobre FantasIA, realidade e riscos na intelixencia artificial, dirixida a colexiados do ICOIIG, asociados da AIIG e calquera persoa con perfil STEM ou interese pola tecnoloxía e a intelixencia artificial.

A startup galega Alice Biometrics, xunto coas novas firmas innovadoras Bemyvega, Lain Tech, Bread Free, Medical Plasmas e Hotelverse, impúxose finalmente na 16 edición dos Premios EmprendeXXI, impulsados por CaixaBank, a través de DayOne, e co-outorgados polo Ministerio de Industria, Comercio e Turismo, a través de ENISA.

Os smartphones ou teléfonos intelixentes son recursos tecnolóxicos que achegan moitas vantaxes mais tamén desvantaxes no seu uso cotián, o mal uso destes trebellos pode traer consecuencias perigosas para as persoas que os usen e máis no caso dos usuarios máis novos. Así o deixa ver un recente estudo levado a cabo pola investigadora da UVigo Sara Martínez. Na súa tese de doutoramento a educadora social analiza este “recurso multifunción, omnipresente na sociedade actual, especialmente nas xeracións máis novas”.

O Grupo Nueva Pescanova e Microsoft renovaron a alianza iniciada en 2021 para seguir avanzando na dixitalización dos cultivos a través do uso de tecnoloxías de intelixencia artificial, Internet of Things e Big Data. A colaboración conxunta desenvolvida estes dous últimos anos deu como froito a creación da primeira granxa acuícola intelixente de lagostinos vannamei do mundo (Smart Farm) e, con este novo acordo, ambas as compañías continuarán impulsando a eficiencia e sustentabilidade destes cultivos.

A Axencia para a Modernización Tecnolóxica de Galicia (AMTEGA) participou este xoves 25 de maio, en Bruxelas, no acto de sinatura do acordo de asociación que pon en marcha o consorcio Govtech4all. Este consorcio terá o cometido de experimentar novas formas para proporcionar innovación ao sector público a través da colaboración público-privada.

Este xoves 25 de maio celebrouse a xornada conmemorativa do quinto aniversario do Centro de Innovación en Ciberseguridade TEGRA, posto en marcha polo centro tecnolóxico Gradiant e a empresa Telefónica Tech co apoio da Xunta de Galicia (Axencia Galega de Innovación) e co financiamento da Unión Europea no marco do Programa Operativo Feder Galicia 2014-2020. Na cita participaron, entre outros, Patricia Argerey (directora da axencia GAIN), e Luis Pérez Freire, director executivo de Gradiant. A xornada desenvolveuse baixo o epígrafe Innovación, ciberseguridade e colaboración público-privada: TEGRA como pioneiro.

A Deputación de Pontevedra continúa coa transformación tecnolóxica da súa rede de oficinas de turismo Info Rías Baixas, integrando sete novas oficinas e puntos de información turística da rede: As Neves, Tui, Redondela, Salvaterra de Miño, O Rosal, Mondariz-Balneario e Ponteareas.

Durante o PlayStation Showcase da pasada noite Sony anunciou un par de accesorios para PlayStation 5 que serán especialmente relevantes, aínda que tardaremos meses en velos no mercado. Falamos de Project Q, unha especie de consola portátil con pantalla de 8 polgadas que presenta unha ergonomía semellante á dos mandos oficiais da PS5 pero que non corre os xogos en local, senón que tira proveito do xogo en remoto para permitir gozar dos xogos de consola nunha pantalla cativa que poidamos levar a case calquera recanto con conectividade sen fíos.

O Concello da Coruña, a través da área municipal de Emprego, abriu o prazo de inscrición nun novo curso de formación gratuíta en Big Data (tecnoloxías da análise da información a gran escala) orientado a persoas desempregadas e promovido ao abeiro do programa Actualízate.

A última versión de proba de WhatsApp para Android agocha unha funcionalidade que está en preparación e que pode verse como unha grande novidade que mudaría profundamente o funcionamento da aplicación e que consistiría na posibilidade de contar con nomes de usuario.

Google Play Games pódese xa instalar no noso ordenador se cumpre cos requisitos mínimos, e aínda que falamos dunha aplicación que aínda está considerada como beta, conta cunha selección de máis dun cento de xogos de móbil que agora podemos gozar no noso ordenador persoal, o que se agradece especialmente en títulos nos que é habitual xogar durante horas, aínda que tamén haberá que prefira xogar no PC para poder empregar sistemas de control máis precisos que a pantalla do teléfono (como o teclado e o rato).

Pese a que Elon Musk aseguraba certa independencia política, os seus actos non fan máis que contradicir o seu discurso, e que organizase un Espazo en Twitter para que o gobernador de Florida, Ron DeSantis, presentase a súa candidatura á presidencia dos EE.UU. deixou aínda máis clara a intención de Musk de converter Twitter nun espazo na Rede no que domine a dereita política.

O Colexio Profesional de Enxeñaría en Informática de Galicia (CPEIG) vai conceder, no marco da XV Noite da Enxeñaría en Informática de Galicia, o Premio Iniciativa Empresarial a Navantia, empresa pública española (Grupo SEPI) referente no deseño e construción de buques militares de alto contido tecnolóxico para a Armada española e outras Mariñas, ademais de buques civís. En concreto, entregará a Navantia o dito galardón polo seu proxecto Estaleiro 40 (Astillero 4.0), que representa un modélico traballo de dixitalización nun sector tan tradicional e referencial como é o naval en Galicia.