SmartPEME arranca 2023 con cinco novas accións formativas
luns, 9 de xaneiro do 2023
A
Deputación de Pontevedra, a través do programa de capacitación
tecnolóxica SmartPEME,
oferta esta semana cinco novos obradoiros impartidos de xeito mixto,
online e presencial, abeirados á súa carteira de obradoiros
para pequenas e medianas empresas, persoas autónomas, profesionais e
cidadáns en xeral. As accións tratarán temas de ciberseguridade,
CRM como forma de conquistar aos clientes, mellora da produtividade
con Trello, como traballar as reservas dun aloxamento en Excel ou que
é a tecnoloxía de cadea de bloques (blockchain).
Este
luns 9 de xaneiro o experto en robótica, programación e impresión
3D, Manuel Freire, foi o encargado de impartir o curso
Ciberseguridade, Ramsomware e suplantación de identidade. O
obxectivo desta formación é dar a coñecer o ramsomware,
en que consiste e como afecta, poñendo o foco no fenómeno crecente
do roubo de identidades en liña e como facer para recoñecer e
identificar as múltiples formas que adopta adaptándose ás
circunstancias de cada territorio.
O
martes 10 impartirase unha nova acción, CRM como aliado para
conquistar ao cliente, na que se amosará como implementar o
concepto de CRM (Costumer Relationship Management) na nosa
filosofía de traballo de forma que podamos achegar unha experiencia
personalizada a cada un dos nosos clientes potenciais e clientes.
Esther Garcinuño, diplomada en Ciencias Empresarias, será quen
conduza a formación.
O
mércores 11 haberá dous obradoiros. Na quenda da mañá, Fatima
Faílde, licenciada en Publicidade e Relacións Públicas, conducirá
o curso Mellora a túa produtividade con Trello e outras
aplicacións l. No curso ensinaranse as técnicas de
produtividade e como xestionar ferramentas que permitan transformar o
traballo: Trello e outras aplicacións móbiles de almacenamento,
calendarización ou colaboración de tarefas. Na da tarde, ás 17.30h
e de xeito presencial no Concello de Moaña, celebrarase o obradoiro
Como traballar a base de clientes e reservas do teu aloxamento con
Excel, no que se aprenderá a exportar e recompilar todos os
datos dos clientes nun Excel e logo poder traballar sobre datos para
realizar campañas e ofertas con éxito. Ás persoas interesadas en
asistir deberán levar o seu computador persoal para traballar sobre
os datos do seu aloxamento.
Por
último, o xoves 12 pola mañá, impartirase o taller Blockchain,
que é e para que serve. Será o primeiro dunha serie de catro
obradoiros sobre temas de máxima actualidade, nel verase en que
consiste a tecnoloxía de cadea de bloques e como grazas a ela
estamos ante o que se chama o Internet do valor; unha forma de
transmitir valor a través da Rede. Este curso tamén será impartido
polo experto Manuel Freire.